සියත 4K හළයි

සියත TV වශිකරණය උදෙසා භාවිත කළ 4K ULTRA HD සහිත ලෝගෝව මේ වන විට ඉවත්කොට නව ඇනිමේෂන් ලාංඡනයක් එක්කර තිබේ.

4K පිළිබඳව පසුගිය සතිය තුළ දැඩි කතාබහක් නිර්මාණය වූ අතර මේ පිළිබඳව දන්නා බොහෝ අයගෙන් සියත වෙත දැඩි දෝෂාරෝපණ එල්ලවිය.

මෙම තත්ත්වය පිළිබඳව සියත අභ්‍යන්තරය තුළ ද කතාබහක් ඇතිව ඇතැයි අප වෙත වාර්තා විය.අදාල ක්ෂේත්‍රය පිළිබඳව දැනුම ඇති සියතට සම්බන්ධ පිරිස් ද අදාල 4K ලාංඡනය භාවිතය පිළිබඳව අප්‍රසාදය පලකර ඇති බවට අපවෙත තොරතුරු අනාවරණය විය.

සියත TV මුළු රටම ආවරණය කර ඇති බව පැවසූව ද මෙතෙක් මහනුවර,බදුල්ල මෙන්ම රත්නපුරය ද ආවරණය කොට නොමැත.තව ද දකුණ මෙන්ම ආවරණිත දිවයිනේ බොහෝ ප්‍රදේශවලට ද තවමත් සියත අපැහැදිලිව දර්ශනය වේ.

ඩයලොග් පියෝ මෙන්ම ඩිෂ් TV හීද සියත TV අපැහැදිලි රූප තත්ත්වයක් පෙන්නුම් කරයි.

සියත වශිකරණයේ නව වැඩසටහන් පිළිබඳව අප වෙත අපගේ මිතුරන් මාර්ගයෙන් ලැබෙන ප්‍රතිචාර ද එතරම් සුභවාදී නැත.