කිංස්ලිගෙන් සිනමා රංගනයන්

මෙරට ප්‍රමුඛ පෙළේ විද්යුත් මාධ්‍ය සන්නිවේදකයකු වන සිරස එෆ්.එම්. හිටපු නාලිකා ප්‍රධානී කිංස්ලි රත්නායක මහතා රංගනයෙන් දායක වූ චිත්‍රපට ද්විත්වයක් ඉතා නුදුරේදිම මෙරට ප්‍රේක්ෂකයන් හමුවේ තිරගත වනු ඇත.
ඉන් පළමුවැන්න වනුයේ ලබන 19 වැනි දා සිට කොළඹ-රීගල් ප්‍රමුඛ CEL මණ්ඩලයේ තිරගත වීමට නියමිත බූඩි කීර්තිසේන අධ්‍යක්ෂණය කළ 'නිම්නයක හුදකලාව' (Alone in a Valley) නම් වූ සිනමා නිර්මාණයයි.
අනෙක් සිනමා පටය වනුයේ මේ මස 26 වැනි දින සිට බොරැල්ල-රිට්ස් ප්‍රමුඛ MPI මණ්ඩලයේ තිරගතවීම අරඹනු ලබන තිසර ඉඹුලාන විසින් අධ්‍යක්ෂණය කරනු ලැබූ 'නිනෝ ලයිව්' (Nino Live) නම් සිනමා නිර්මාණයකි.
කොළඹ විශ්ව විද්‍යාලයේ ජනසන්නිවේදනය පිළිබඳ ශ්‍රාස්ත්‍රවේදී උපාධිධාරියෙකු වන ඒ මහතා මීට කලකට ඉහත දී ස්වකීය ගීත රචනා නිර්මාණ ලෙසින් භාතිය/සන්තුෂ් ගැයූ 'ඩෙන්න ඩෙනා නාඩෙන' හා 'මනුසත් කුලේ' වැනි ජනප්‍රිය ගීත ද රචනා කරන ලදී. එතුමන්ගේ රංගන දිවියද සාර්ථකත්වයට පත්වේවා! යැයි අපද ඉත සිතින් ප්‍රාර්ථනා කරමු.
සටහන
වසන්ත කේ ප්‍රනාන්දු