මාතලේ කොල්ලෙක් හුනෙක් තම්බලා හෝටල්වලට අරන්ගිගින් සල්ලි හොයලා මාර මිනිස්සු ලංකාවේ ඉන්නේ

හූනන් උණුවතුරෙන් තම්බා හෝටල්වලට ගෙන ගොස් කෑම ඇනවුම් කර කෑම පිඟානේ භාගයක් අනුභව කර, ගෙන ගිය හූනා හොරෙන් කෑම පිඟානට දමා කෑම පිඟානේ හූනකු සිටි බව පෙන්නමින් හෝටල් හිමියන් බියවද්දා මුදල් ලබාගන්නා තරුණයකු පිළිබඳව මාතලේ පොලිසියට තොරතුරු ලැබී ඇත.
මෙලෙස මුදල් ලබා ගන්නා තරුණයා වයස අවුරුදු 25ක පමණ අයකු බවටත් විශේෂයෙන් ඔහු මෙලෙස මුදල් ලබාගන්නේ හෝටල්වලින් බවට තොරතුරු ලැබී ඇති බවත් පොලිස් ආරංචි මාර්ගවලින් පැවැසේ.
මේ දිනවල රූපවාහිනී නාලිකාවකින් විකාශනය වන ටෙලිනාට්‍යයක මෙවන් ජවනිකාවක් විකාශනය වීමෙන් මොහුට මෙම අදහස පහළ වී ඇති බවට සැකකෙරේ.
(මාතලේ හිල්ටන් ජේ. බෙරෙන්ජර්)