international - ට්‍රම්ප්ගේ මුස්ලිම් විරෝධය අතුරුදන්වී යළි ඇවිත්

මුස්ලිම්වරුන්ට ඇමරිකාවට ඇතුළුවීම වළක්වාලීමේ පොරොන්දුව එරට ජනාධිපති ධුරයට පත්ව සිටින ඩොනල්ඩ් ට්‍රම්ප්ගේ ප්‍රචාරක වෙබ් අඩවියෙන් හදිසියේම අතුරුදන් වූ බව වාර්තා වනවා.

කෙසේ නමුත් පසුව එය ඊයේ දිනයේ නැවතත් එම වෙබ් අඩවියේ සංශෝධන සහිතව පළ වුණා.

ඒ එම පොරොන්දුව අතුරුදන්වීම පිළිබදව මාධ්‍යවේදීන් ප්‍රශ්න කිරීමත් සමගයි.

කෙසේ නමුත්, ඩොනල්ඩ් ට්‍රම්ප්ගේ ප්‍රචාරක ව්‍යාපාරයේ නියෝජිතයෙකු ප්‍රකාශ කර ඇත්තේ තාක්ෂණික දෝෂයක් නිසා අදාළ පුවත තාවකාලිකව අතුරුදන් වූ බවයි.