බැලුම්ගල මාධ්‍යවේදි නිලූප අතුරුදන් !
'නෙත් එෆ් එම්' නාළිකාවේ ජනප්‍රියතම වැඩසටහනක් වූ 'බැලුම්ගල' වැඩසටහනේ ප්‍රධානියා ලෙස කලක් කටයුතු කල ඔහු ඒ හරහා මාධ්‍ය ක්ෂේත්‍රය තුල ජනප්‍රියත්වයට පත්ව සිටියේය.එසේම ඔහුගේ ප්‍රධානත්වයෙන් සමීක්ෂණ වාර්තා අනුව මෙරට වැඩිම පිරිසක් ශ්‍රවණය කරන ගුවන්විදුලි වැඩසටහන බවට බැළුම්ගල පත්කිරීමට ඔහුට හැකිවිය.
බැලුම්ගල සම්බන්ධ වගකීම්වලින් ඔහු ඉවත්වී බොහෝ කලක් වුවද, මේවනවිටත් එම වැඩසටහනින් කෙරෙන හෙළිදරව් කිරීම් වලදී ද චෝදනා වලට ලක්වුවන්ගේ ඉලක්කය වී ඇත්තේ නිලූප සංජය ලියනගේ මහතා බව පැවසේ.
පසුගිය දින කිහිපයෙහි 'බැලුම්ගල' වැඩසටහනේ විකාශය වූ පාතාලය පිලිබඳ අනාවරණයන් හේතුවෙන් ඔහුට දිගින් දිගටම මරණීය තර්ජන එල්ලවී තිබු බවත්, ඒ අනුව ඔහු පදිංචිව සිටි වැල්ලම්පිටිය ප්‍රදේශයේ නිවෙසින් පවුලේ සාමාජිකයින් සමග පලාගොස් ඇති බවත් වාර්තාවේ.අදාල වැඩසටහන ඉදිරිපත් නොකරන ලෙසට ද නිලූප සංජය මහතා එම නිෂ්පාදක කණ්ඩායම වෙත ඉල්ලීමක් කළ බව ද අපට වාර්තා විය.
තමන්ට එල්ලවී ඇති මරණ තර්ජන සම්බන්ධයෙන් 'නෙත් එෆ් එම්' ප්‍රධානින් දැනුවත් කර ඇති නිලූප, ප්‍රශ්නය සමතයකට පත්කර ගැනීම සඳහා මාසයක නිවාඩුවක් ලබා දෙන ලෙස ඉල්ලීමක් කර තිබේ. ඒ අනුව ඔහුට නිවාඩු අනුමත කර තිබේ.
දේශපාලන රැකවරණ ?
තහවුරු නොකළ ආරංචි මාර්ග සදහන් කරන්නේ දේශපාලන රැකවරණ පතා ඔහු ස්විට්සර්ලන්තය වෙත ගොස් ඇති බවයි.එහෙත් මෙය සාමාන්‍ය කාරණයක් ලෙස හුවා දැක්වීමට ඇතමුන් සිදුකරන ප්‍රකාශයක් ලෙසට ද අපට වාර්තාවිය.
බැලුම්ගල වැඩසටහන නිසා පාතාල නායකයෙකුගෙන් එල්ල වී ඇති තර්ජන පිලිබද ඔහු විසින් පොලිස් පැමිණිලි කිහිපයක්ද ගොනු කර ඇති අතර එම විමර්ශණ මෙතෙක් හමාර වී නොමැත.
මෙම තර්ජනය පිලිබද නීතිමය ක්‍රියාමාර්ග ගැනීමට වඩා පවුලේ සාමාජිකයින්ගේ ජීවිතය බේරාගැනීමට වැඩි අවධානයක් යොමුකරන බව ඔහු පසුගියදා තම හිතවතුන් සමග පවසා ඇත.
ශ්‍රී ලංකා මිරර් වාර්තාව
Share story!
Rupee Exchange Rate
0 comments