එලිසබෙත් රැජිනගේ 95 හැවිරිදි සැමියා මියගිය බවට වැරදි පුවතක් අන්තර්ජාලයට

බ්‍රිතාන්‍යයේ දෙවන එලිසබෙත් රැජිනගේ සැමියා වන 95 හැවිරිදි පිලිප් කුමරු මියගිය බවට එංගලන්තයේ  පුවත් ආයතනයක් විසින් ප්‍රකාශයට පත් කර තිබෙනවා. The Sun නැමති එම ආයතනය බකිංහැම් මාලිගයෙන් ලැබුණු තොරතුරක් නිසි ලෙස අවබෝධ කර නොගැනීමෙන් අනතර්ජාලයට වැරදි පුවත මුදා හැර ඇති බවටයි කියවෙන්නේ.
කෙසේ වෙතත් විනාඩි කිහිපයකින් එම පුවත ඉවත් කර ගෙන තිබුනත් ඇතැම් සමාජ ජාල, එම අන්තරජාල පුවතේ screen shot ගෙන හුවමාරු කරමින් තිබුණා. පසුව The Sun ආයතනය එම පුවත් වෙනස් කර පළ  කර තිබෙනවා.
මේ අතර දෙවන එලිසබෙත් රැජින තම බලය පවතින ඇතැම් කටයුතු වෙනත් පාර්ශවයන්ට පවරා ඇති බවට වන වැරදි පුවතක් ඕස්ට්‍රේලියානු  මාධ්‍ය ආයතනයක් විසින් විකාශය කර ඇති බවටද වාර්තා වුනා.