IOC තෙල් ඔබේ වාහනයට නොගැසිය යුත්තේ ඇයි?

මීට වසර හතලිහකටත් ඉහතදී සිරිමාවෝ බණ්ඩාරණායක රජය ඛණිජ තෙල් නීතිගත සංස්ථාව පිහිට වූයේ, ‍රටක බලශක්තිය බෙදා හැරීම පෞද්ගලික ක්ශේස්ත්‍රයක තිබුනොත් ඇතිවන මූලිකම අවධානම සලකා බලමින් කිවහොත් එය මුසාවක් නොවේ. එදා සිට 2003 වන තෙක් අඛණ්ඩව කිසිදු ගැටළුවකින් තොරව ඛණිජ තෙල් සංස්ථාව රටේ පැවති තෙල් අවශ්‍යතාවයට මනා විසඳුම් දෙමින් පවත්ගෙන ගියෝය. ත්‍රස්තවාදී බෝම්භ වලට තෙල් ටැංකි ගොදුරු වෙද්දී පවා, රටේ දරුණු යුද්ධයක් ඇති කාලයකදී පවා අසාර්ථක නොවුනු රාජ්‍ය ආයතන අතලොස්සෙන් එකක් ලෙස ඛණිජ තෙල් නීතිගත සංස්ථාව හැදින්වුවහොත් එය නිවැරදියි.
2003 දී, රනිල් වික්‍රමසිංහ අග්‍රාමාත්‍යවරයාගේ, “යළි පුබුදමු ශ්‍රී ලංකා” එහෙමත් නැත්නම් “Regaining Sri Lanka” යටතේ ඛණිජ තෙල් ඒකාධිකාරයෙන් කොටසක් ඉන්දියානු තෙල් සංස්ථාවට ලබාදෙන්නට කටයුතු කලේ, දිවයිනේ ප්‍රදේශවල තිබූ හොඳම මට්ටමේ ඉන්ධන පිරවුම්හල් 36ක් ද ඔවුන්ට පවරා දීමෙන්.
කෙසේ වුවත් කිසි දවසක IOC සමාගම භූමිතෙල් ව්‍යාපාරය කරලා නෑ.. පෙට්‍රල් වර්ග තුනක් ඔවුන් හඳුන්වලා දීලා තියෙනවා.
සාමාන්‍ය පැට්‍රල්
Euro Standerd 3
Extra Premium
මෙහි EuroStanderd 3 කියන මාදිලිය IOC සමාගම විකුණන්නෙ ලීටරයක් රුපියල් හතරක් වැඩියෙන්.. නමුත් එම බවුසර් පටවන්නෙත් කොලොන්නාව නිමාවෙන්.. එහි තිබෙන්නෙ සාමාන්‍ය පෙට්‍රල්. කිසිදු වෙනසක් නැති පෙට්‍රල් අළුත් නමක් යොදා රුපියල් හතරක් වැඩිපුර මිල කර පාරිභෝගිකයාට විකුණනවා.
අනෙක් කාරණාව Extra Premium.. මෙයත් එසේමයි.. මෙම තෙල් වර්ගයත් ඔවුන් භාරගන්නෙ සංස්ථාව සතු කොලොන්නාව නිමාවෙන්.. සිපෙට්කෝ පිරවුම් හල් වලින් නිකුත් කරන 95 Octain මයි මෙම බවුසර වලට පුරවන්නෙ.. එම පුරවන තැන ඉන්න භාහිර කම්කරුවෙක්, කිසිවෙකු නොදන්න අනාරක්ෂිත රසායනිකයක් එම පෙට්‍රල් බවුසරයට මුසු කරනවා.. එහි තත්ත්වය ලෝකේ කිසිදු ආයතනයකින් මේ වන තෙක් පරීක්ෂා කරලා නැහැ.. පාරිභෝගිකයින් වැඩි මිලක් දීලා තමන්ගේ වාහනයට සපයා ගන්නෙ සිපෙට්කෝ පිරවුම් හල්වල තිබෙන 95 Octain වලටත් වඩා අඩු ප්‍රමිතියකින් තිබෙන පෙට්‍රල් බවට කිසිදු සැකයක් තතු දන්න අයට නැහැ.
ඒ වගේම මේ රටේ පාරිභෝගිකයාට ප්‍රමිතියෙන් උසස් ඉන්ධන සැපයීමට වගකීමක් IOC සමාගමට නෑ. ඔවුන්ට තිබෙන්නේ ලාභ ලැබිය යුතු ව්‍යාපාරයක්.. එනිසා ලාභයයි ඔවුන්ගේ ප්‍රධාන අරමුණ. එහි ප්‍රථිපලයක් විදිහට තමයි අද වන විට බාල තත්ත්වයේ තෙල් නැවක්ම අපේ රටට අරන් එන්නේ.
එනිසා, ඔබ අමාරුවෙන් ගත් ඔබේ වාහනය ප්‍රවේශම් කර ගන්න. IOC ඉන්ධන පිරවුම් හල් වෙනුවට CEYPETCO ඉන්ධන පිරවුම්හල් භාවිතා කරන්න.
2017. 11. 06 දින නෙත් FM අනන්තය වැඩ සටහනේදී, ඛණිජ තෙල් කටයුතු පිළිබඳ ආචාර්‍ය සිරිල් සුද්වැල්ල සහ ඛණිජ තෙල් නිදහස් සේවක සංගමයේ සභාපති බන්දුල සමන් කුමාර යන මහත්වරුන් පළකල අදහස් ඇසුරිනි.